கோலிவுட் மசாலா மாமூ

என்னோட முதல் கதை என்னான்னா ...
First Kiss, தமிழ் படம் தாங்க...



முதல்ல கதாநாயகிய காட்றோம். இந்த கதைக்கு கதாநயாகி ரொம்ப அழகா இருக்கணும். அதனால அழகான பெண்ணுங்க இருக்கிற பஞ்சாபுல இருந்து கோதுமை நிறத்துல ஒருத்தரை இறக்குமதி பண்றோம். இல்லன்னா அசினை கதாநாயகி அக்கிடலாம். இந்த கதைக்கு யாரு கதாநாயகனா போடலாம்னு யோசிச்சு பாக்கறேன், கதாநாயகனும் அழகா,கம்பீரமா இருக்கணும். பேசாம நானே நடிச்சிடலாம்னு பாக்கறேன், என்ன சொல்றீங்க,

சரி..சரி.. வேணாம், நம்ம சூர்யாவை போடலாம், ஆனா அவருக்கே ஒரு 35வயசாச்சி. ஒரு 25வயசுல அழகா யாரும் தமிழ்நாட்டுல இல்லையாயாயாயாயாயாயாயாயாயாயாயாயாயாயா ?

கதாநாயகன மட்டும் தமிழ்நாட்டுல தேடு, கதாநாயகிய பஞ்சாபுல இருந்து கொண்டு வந்திடுன்னு வலைப்பதிவு மகளிர் அணி தீர்மானம் பண்ணிடும் போலிருக்கே..

சரி..வுடு ஜூட் எஸ்கேப்..

நேரா கதைக்கு வருவோமா....

முதல் ஷாட்டுல கதாநாயகிய காட்றோம்...கதாநாயகி என்ன பண்றான்னு சொல்லுங்க பாக்கலாம்....ஸ்விட்சர்லாந்துல, குட்டை பாவடை போட்டு டான்ஸ் ஆடறான்னு தானே நீங்க நினைக்கிறீங்க, அதாங்க இல்ல,

வேகமா பைக் ஓட்டறாங்க..

என்னது கதாநாயகி பைக் ஓட்றாங்களா ?

ஆமா.. அதுல தான் என்னோட டைரக்டர் டச் தெரியப்போவுது

ஏதோ ஒரு பீச் ஓரமா (எந்த பீச்சு ? கிடைக்கிற தயாரிப்பாளர பொறுத்து இருக்கு, ஹி, ஹி) வேகமா கதாநாயகி பைக் ஓட்டிக்கிட்டு வராங்க, வேகம்னா, அப்படி ஒரு வேகம்

அதைப் ரோட்டோரமா விவேக்+கோ வுடன் இருக்கும் நம்ம கதாநாயகன் பாக்கறான். அவரு பைக் ரேசுல சாம்பியன். நம்ம கதாநாயகி பைக் ஓட்டறத பாத்து இம்ப்ரஸ் ஆயிட்டாரு. உடனே பைக்க எடுக்கறாரு, விவேக் அவரோட வழக்கமான கலாய்க்கல் செய்யறப்பவே நம்ம கதாநாயகன் விவேக்கை பின்னாடி வச்சிக்கிட்டு பறக்கறாரு, விவேக் நடுங்க, சும்மா நச்சுன்னு காமெடி ப்ளஸ் ஆக் ஷன் சீன் வைக்கிறோம்

கதாநாயகன் கதாநாயகியை சேஸ் பண்ண, டக்குன்னு கதாநாயகி பைக்கை ஒரு வெட்டு வெட்டி கதாநாயகன தடுமாற வைக்கறா. கதாநயகன் கீழே விழறான்

கதாநாயகி நக்கலா சிரிக்கிறா. "பைக்க ஓட்ட கத்துக்கோ சின்ன பையா" அப்படிங்கறா

விவேக்கிற்கு கோபம் வருது, யாரப்பாத்து என்னா கேள்வி கேக்கற, எங்க பையன் பைக் ரேசுல இந்தியாவுலியே பெரிய ஆளுங்கறார்.

"யாரு பைக் ஓட்ட தெரியாத இந்தப் பொடிப்பையனா" அப்படின்னு கதாநாயகி சொல்ல, விவேக், கதாநாயகன் கடுப்பாகறாங்க

விவேக் கதாநாயகனோட புராணங்கள எடுத்து சொல்ல

கதாநாயகி "தில்" இருந்தா எங்கிட்ட மோதிப்பாரு அப்படின்னு சொல்றா

யாருகிட்ட சாவலு, சீச்சி அப்படின்னு கதாநாயகன் சொல்ல, கதாநாயகி பொடிப்பையன் அப்படித் தான் சொல்வான்னு சொல்றா

கடுப்பாகிற கதாநாயகன், போட்டியில குதிக்க, சும்மா, சூப்பரா ஒரு பைக் ரைஸ் வைக்கிறோம்.

கதாநாயகி ஆரம்பத்துல இருந்தே பறக்கிறா, கதாநாயகன் வேகமா பறக்கறான், முந்தறான், பிந்தறான் (தமிழா இது...)

அப்புறம் கடைசியா கதாநாயகன் ஜெயிசிட்டான் (தமிழ் படத்துல அப்படித் தான் கண்ணா வைக்கணும்)

இப்ப என்ன பண்ணப் போறன்ற ஸ்டைல்ல கதாநாயகன் லுக் விட, கதாநாயகி வேகமா வந்து நச்சுன்னு ஒரு முத்தம் குடுக்கறா, பைக்ல ஏறி பறந்திடுறா...

கதாநாயகன் வெலவெலத்து நிக்கறான். விவேக் பொறாமையில பாக்கறார்

நான் இங்க ஜகா வாங்கிக்கிறேன், மீதி கதைய நீங்க சொல்லுங்களேன்...
கதைய டெவல்ப் பண்ணலாம்..